Marhalay Shok K Dushwar Howa Kertay Hein
Saye Bhi Rah Ki Dewar Howa Kertay Hein
Wo Jo Such Boltay Rehnay Ki Kasam Khatay Hein
Wo Adalat Mein Gunahgar Howa Kertay Hein
Sirf Hathon Ko Na Dekho Kabhi Aankhen Bhi Prho
Kuch Sawali Baray Khud-dar Howa Kertay Hein
Wo Jo Pathar Yonhi Rastay Mein Parhay Rehtay Hein
Un K Senay Mein Bhi Shahkar Howa Kertay Hein
Subh Ki Pehli Kiran Jin Ko Rula Deti Hai
Wo Sitaron K Azadar Howa Kertay Hein
Jin Ki Aankhon Mein Sada Pyas K Sehra Chamkay
Dar Haqiqat Wohi Fankar Howa Kertay Hein
Sharam Ati Hai Keh Dushman K Smjhen Mohsin
Dushmani K Bhi To Mayar Howa Kertay Hein
No comments:
Post a Comment
We Love To Hear From You
Keep Supporting Us With Your Comments