Ankhon Se Meri Is Liye Lali Nahen Jati
Yadon Se Koi Rat Khali Nahen Jati
Aab Umer Na Mosam Na Wo Rastay Keh Wo Paltay
Is Dil Ki Magar Kham Khayali Nahen Jati
Mangay To Agr Jan Bhi Hans K Tujhay De Den
Teri To Koi Bat Bhi Tali Nahen Jati
Aye Koi A Kar Ye Tere Dard Sambhalay
Hum Se To Ye Jagir Sambhali Nahi Jati
Maloom Hmen Bhi Hain Boht Se Tere Kisay
Per Bat Teri Hum Se Uchali Nahen Jati
Hum Rah Tere Phool Khilati Thi Jo Dil Mein
Aab Sham Wohi Dard Se Khali Nahen Jati
Hum Jan Se Jaen Gay Tabhi Bat Banay Gi
Tum Se To Koi Rah Nikali Nahen Jati
No comments:
Post a Comment
We Love To Hear From You
Keep Supporting Us With Your Comments